CCXL.

1357, Februar 27. Ottmachau.

Bischof Preczlaw von Breslau inkorporiert unter gewissen Bedingungen dem Kloster die Kirche zu Michelau.

In nomine domini amen. Cunctorum cum lapsu temporis perit memoria factorum, nisi scripture testi­monio et testium fidelium amminiculo roborentur. Nos Predzlaus dei gratia episcopus Wratislaviensis notum facimus universis, quibus nosse fuerit oportunum, venisae ad nos religiosum et venerabilem virum, dominum Sigishardum abbatem in Camencz cum dominis huius fratribus senioribus ac deposuisse, quod decime ac fer­tones episcopales ad monasterium Camencz spectantes consideratione ecclesie in Michelaw, cuius ius patro­natus ad dominum abbatem et conventum eiusdem pertinet, adeo per mortalitatis exterminium, villarum deso­lationem diminute, ut fratres ibidem in Michelaw stare soliti de eisdem vix emolumentari possent, sicque nichil cederet monasterio, ipsumque eis fuerant gravamine tales fratres extra monasterium tenere sine comodo inde pervenienti; etiam tales fratres non essent sub tali disciplina nec tantum intenderet religioni ac devo­tioni, quantum in monasterio, ubi sub directione immediata forent prelatorum. Inde nobis totique nostre prosapie humiliter supplicarunt, vellemus illa perpendere et unico esse fratre plebano, aut si is comodose haberi non posset, loco illius seculari plebano contenti; vellent namque in vigiliis, orationibus, anniversariis ac piis aliis operibus pro prosapia nostra fiendis maiori in monasterio devotioni et diligentia intendere. Nos autem premissa singula cum nostris amicis, videlicet Gunthero de Beberstein, Cuncone de Haberdorff, Buduwie et Janusio fratribus de Michelaw, Ottone, Predzlaw de Pogrella sollicite advertantes et ita invenientes de unanimo (!) omnium, quorum de hiis interest, consensu annuimus, et quod deinceps in Michelaw ob pre­dictas causas unicus sit tantum frater plebanus aut loco illius sit plebanus prespiter secularis, quem ad pre­sentandum nobis aut nostris successoribus ius ad dominum abbatem, qui pro tempore fuerit, pertinet, isque plebanus, sive religiosus sive regularis sit, portione sibi assignata sit contentus, reliquum pro utilitate mona­sterii cedat. Admonemus autem dominum abbatem, qui nunc est et qui pro tempore fuerit, atque totum conventum conscientiisque eorum adhortantes, ut promissioni sue satisfaciant pro nostro generi complenda in monasterio de reliquo maiori devotione et diligentia perficiant. Ne autem testamentorum a progenitoribus nostris ac nobis datorum inveniantur diminutiones, conclusimus cum attingentibus prosapiam nostram, volentes, quod in patrimonio nostro in Pogrella et Michelaw occasione huius ordinationis in censibus, frumentis, decimis et fer­tonibus episcopalibus nichil diminuetur. Ut autem hec nostra ordinatio de unanimo omnium amicorum nostro­rum consensu celebrata robur firmitatis obtineat, sigilli nostri appensione fecimus communiri. Actum et datum in Othmuchaw tertio Kalendas Martii anno domini millesimo trecentesimo quinquagesimo septimo; pre­sentibus consanguineis nostris predictis ac honorabilibus nostris viris et dominis: Jacobo Augustini archi­diacono Ligniczensi, Alberto de Satur sancti Egidii canonico, Nicolao de Posnania plebano ecclesie parochialis opidi nostri Grotkaw, Petro Santkone milite, Gregorio de Wintmerecz, Johanne curie nostre notario.

Fälschung des beginnenden 16. Jahrhunderts, vermuthlich von der Hand des einen Falsifikators von No. CLV. An grünseidnen Fäden ein echtes S. des Bischofs.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.